七茶 7 Tea

沒有祥仔的下午

今天下午真的十分悠閒，因為祥仔不在。

早上祥仔接到電話說有一個會議要出席，就這樣他去了灣仔。小SEAN就一早定了要去元朗交樓。因為收工時我要負責對數，不能去銀行。所以KAREN姐姐就去了屯門市中心入數。OFFICE四個人只餘下我留守大本營。哈哈，餘下我一人，我又因睡眠不足而有點發呆，因此我就特許自己發一會兒呆。

但呆不了多久，姐姐就回來了。工程部的頭頭強少又「蛇」上來我地辦公室同我地吹水，難得佢又直認不諱，好坦白咁講 : 「其實我都有好多野未做要跟，但是祥哥唔0係度，吊頸都要抖下」。其實祥仔不在，身為2ND I/C (IN-CHARGE)的我是要監督他，但是我沒有這樣做。因為我很明白他的想法，因為我地是「蛇」得就「蛇」的人。但是強少以前都會扮下野，「借D椅」上來打文件，打足成日，查實是上來「蛇」，同我地吹水。估唔到耐左，佢就扮都唔扮啊。真是…=.=

而多日困擾纏身，要服用安眠藥才能入睡，茶飯不思(好似形容到好嚴重咁^^")的姐姐提議要食TEA，難得佢想食野，我當然第一時間去幫佢買啦。

於是姐姐食住金沙骨，強少無無聊聊坐0係我張「木台」，搞上面的文具。而我就是最勤力那個，竟然冇做SNAKE KING，乖乖咁打文件 (唉!鬼叫祥仔臨去之前竟然點左我做好多野……D野又趕WOR，咁就中伏….並唔是我轉「蛇」性 ^^")。咁又無乜客，我地三個就是咁吹左好耐水。講下強少D仔女，講下姐姐睇緊?「海豚灣戀人」，講下其他同事是非，講好多無聊野。

(以上就是平時祥仔放假，我地的生活，是唔是好頹~~)

本來諗住好順利，「乖乖地等六點，準時放工一定掂」。點知優之良品有事發生，真是唔想再做，但是為左讚賞信，冇計，重要OT到七點 一.一

posted by 小威Steven @ 1:28 上午